“EN TOT FOMENTAR ER ESPERIT EMPRENEDOR ENTRE ES JOENI ENES ZÒNES RURAUS”
“PENSES EN CREAR ERA TUA EMPRESA E NON SABES S’ERA TUA IDÈA AURÀ ACCEPTACION? APREN COMA ENDOVIAR S’AURÀS CLIENTS”
Eth passat dimèrcles, dia 16 d’octobre, es escolans des cicles formatius de grad mejan 1èr e 2au de Gestion Administrativa (GAD) e es de 3au de Tecnic en Sistèmes Micro informatics e hilats (SMX) assistiren as capsules formatives organizades peth CEI Val d’Aran de Casau.
En tot seguir ena linha de collaboracion entre eth CEI Val d’Aran e er IES d’Aran e entà resóler eth problèma de transpòrt des escolans des der IES enquiath eth CEI es capsules s’impartiren en madeish Institut ara demora coma dusau part dera formacion; dera visita des escolans ath centre CEI Val d’Aran de Casau, damb er objectiu de veir es installacions e auer era possibilitat d’escambiar opinions damb bèra ua des empreses installades en CEI, e atau aufrir esturments de formacion e informacion sus eth mon laborau as escolans.
Es capsules formatives “en tot Fomentar er esperit emprenedor entre es joeni enes zònes ruraus” e “penses en crear era tua empresa e non sabes s’era tua idèa aurà acceptacion, apren coma determinar s’auràs clients” sigueren impartidi per Juanjo Pérez Amador, consultor en Desvolopament economic.
Es capsules formatives son gratuïtes e son organizades peth CEI Val d’Aran e eth Conselh Generau d’Aran en collaboracion damb era Deputacion de Lleida e GlobaLleida damb eth supòrt de Departament d’Empresa e Aucupacion dera Generalitat de Catalunya, Catalunya Empren e eth hons Sociau Europèu.
