Era enginharia aranesa Arantec Enginnering guanhadora der ANYWHERE Innovation Challenge
-
Arantec Enginnering ei plaçat en CEI Val d’Aran de Casau.
Era empresa dera Val d’Aran Arantec Enginnering formada per un grop d’enginhèrs, programadors e dessenhadors d’interficies especializada en hilats de sensors sense hius (WSN) ath servici des Smart Cities, jos era mèrca Smarty Planet de solucions cloud entath mesurament e contròl de fenomèns medi ambientau e entara Internet des Causes (IoT), a estat distingida damb eth prèmi Desafío de Innovación del Proyecto ANYWHERE que s’a autrejat pendent era 5au Assemblada Generau deth grop de trabalh ANYWHERE celebrada en Spiez, Soïssa, deth 6 ath 10 de març.
Eth Projècte ANYWHERE organize un Desafío de Innovación entà seleccionar era melhor idèa innovadora entà completar es productes e servicis ANYWHERE. Eth prèmi consistís ena invitacion entà convertir-se en un nau sòci deth consòrci ANYWHERE e arrecéber 50.000€ de pressupòst especific entà corbir es còsti deth trabalh associat ad aguesta implementacion.
Eth Projècte ANYWHERE
Eth projècte “EnhANcing EmergencY Management and Response to Extreme WeatHER and climate Events” (ANYWHERE) ei finançat peth programa d’investigacion e innovacion Horizonte 2020 dera Comission Europèa (EC-HORIZON2020-PR700099-ANYWHERE) e comencèc en junh de 2016.
Er objectiu deth projècte ei integrar en diuèrsi algoritmes auançadi de prediccion meteorologica extrèma e es sòns impactes dirèctes en ua plataforma accessibla que se poderà utilizar en diferenti nivèus, en tot ajudar a tot tipe d’administracions coma Proteccion Civiu e administracions generaus e autonomiques, atau coma ara poblacion en generau. Dessenhada damb era fin d’ajudar a protegir contra es damatges ocasionadi peth clima e, ena darrèra instància, sauvar vides.
Eth projècte compde damb sòcis de 12 païsi e ei coordinat peth Centre d’Investigacion Aplicada en Idrometeorologia dera Universitat Politecnica de Catalonha, qu’includís 6 empreses, 12 autoritats operatives e 13 sòcis d’investigacion e desvolopament, en tot assegurar era capacitat e nauti estandards des resultats deth projècte, atau coma era sua aplicacion e acceptacion en mercat.
En aguest projècte europèu destaquen sòcis coma Airbus (http://www.airbus.com/), er European Centre for Medium-Range Weather Forecast (ECMWF-https://www.ecmwf.int/) eth Finnish Meteorological Institute (http://eth.ilmatieteenlaitos.Fin/), era Agéncia Catalana dera Aigua (http://aca-web.gencat.cat/) e universitats.
Laguens deth projècte ANYWHERE (http://anywhere-h2020.eu/) s’a desvolopat era iniciatiua Innovation Challenge encargada de cercar idèes innovadores entà melhorar era administracion e era responsa pendent emergéncies, en tot ajudar a completar es productes e servicis d’ANYWHERE. Aguestes idèes seràn basades enes següents concèptes:
-
Integracion o utilizacion des productes ANYWHERE en ua Solucion innovadora damb fòrta aplicacion comerciau e preferiblement damb un naut benefici d’impacte sociau. Es Solucions Prepausades pòden includir un plan entà potenciar-lo comercialment en un mercat considerable e se preferirà qu’includisque sollicituds especifiques o clients interessadi.
-
Esturments, algorismes o procèssi innovadors que se pòden integrar ena plataforma ANYWHERE e qu’apoiridie melhorà’c en sòn conjunt. Es prepauses pòden èster exclusivaments tecnologiques (TI) o ua solucion mès ampla que tanben includís procèssi operatius.
ANYWHERE 2020 Innovation Challenge
D’entre es mès de 20 idèes innovadores arrecebudes per institucions e empreses, s’a escuelhut a dues empreses finalistes, GeoAdaptive e Arantec Enginnering, es quaus an presentat era sua candidatura entà formar part deth projècte ANYWHERE en “5th Generau Assembly meeting” es dies 6 a 10 de març en Spiez, Soïssa.
GeoAdaptive (http://geoadaptive.Com/) ei ua companhia de planificacion e estrategia de desvolopament que s’especialize en usatge de tecnologies geoespacials entà resóler problèmes economics, ambientaus e sociaus complèxes en ua varietat de territòris, escales e indústries. Se cuede d’implementar e integrar tecniques auançades era economia espaciau, analisi de risqui, modèls socioecologics e dessenh basat en lòcs, entà crear estrategies solides entà clients de tot eth mon, en tot redusir es sòns risqui e maximizant es sues oportunitats de creishement sostenible e inclusiu.
Entre es sues solucions restacades damb eth projècte ANYWHERE destaquen es encaminades a modelizacion d’analisi de risqui e cambi climatic, probabilitats de risc enes ciutats e mainstreaming encaminat ara resiliència e ara reduccion deth risc de desastre (DRR).
Arantec-Smarty Planet (Www.smartyplanet.com), ei ua empresa encargada de proporcionar solucions “cloud” entath mesurament e contròl de fenomèns medi ambientau. Se cuede de dessenhar, desvolopar e produsir eth sòn pròpri software e hardware entà aufrir as clients solucions complètes e fiables entara Internet des Causes (IoT). En definitiva, solucions uniques integrades, que siguen fiables, compatibles, rendables, faciles d’implementar e intuïtives d’utilizar.
Arantec Enginnering Comercialize es solucions complètes Smarty Planet de monitoratge e telecontròl, dessenhades entàs besonhs de diferenti sectors, coma, òbres idrauliques, carretères, ciutats intelligents, agricultura, aeropòrts,… .
Es estacions de sensors Smarty Planet son solucions de monitoratge e telecontròl dessenhades especificaments entà cabaus e arrius (Smarty River), monitoratge dera nhèu (Smarty Snow), quantitat e qualitat dera aigua (Smarty Water), estacions meteorologiques (Smarty Meteo), contròl d’incendis forestaus (Smarty Forest), qualitat acostica e ambientau (Smarty Sound) e qualitat der aire (Smarty Air).
Era presentacion, a cargue der aranés, Eisharc Jaquet, CEO d’Arantec Enginnering e Mario Losáñez, Director de Desvolopament de Negòci, an mostrat es esturments de besonh entara integracion des productes ANYWHERE amassa damb eth servici Smarty Planet entà prepausar eth desvolopament d’un esturment capable de dar es servicis Smarty Anywhere ath client finau.
Eth dia 9 de març eth Consòrci decidic qu’eth guanhador dera idèa mès innovadora entà melhorar era plataforma, e qu’a compdar d’ara, coma nau sòci, implementarà era sua idèa o esturment seleccionat ena plataforma ANYWHERE sigue Arantec-Smarty Planet.
Sus es Solucions Smarty Planet
Smarty River. Sistèma d’Alèrta Primairenca (SAT) entà inondacions e monitoratge idrologic, ei ua solucion que permet d’ua manèra simpla e en temps reau, enregistrar, visualizar, gerir alarmes e compartir donades sus eth monitoratge e er estat d’arrius e restanques.
Smarty Snow. Sistèma de prevencion e contròl de lauegi de nhèu, e gestion de vialitat iuernau. Damb aguesta tecnologia se contròle eth risc de lauegi de nhèu ena montanha, en tot evitar damatges sus infrastructures e estacions d’esquí.
Smarty Water. Estacion de sensors entath contraròl e eth monitoreig dera quantitat e qualitat dera aigua mejançant caudalimetres o comptadors, proporcione eth contròl des cabaus circulants pes hilats de provediment e sanejament, ath delà de monitorizar de forma contunha e sense vigilància aqueri paramètres restacadi damb era qualitat d’aigua, coma temperatura, pH, oxigèn dissolvut, conductivitat, amoni, nitrats, eca.
Smarty Meteo. Estacions meteorologiques compactes de grad scientific per Smart Cities. Solucion sensoriau autosuficient dessenhada especificaments entà realizar eth mesurament de paramètres ambientaus e atau poder aufrir un valor ahijut en servici meteorologic des ciutats a trauès de sensors ambientaus sense hius entà Telefòns intelligents.
Smarty Sound. Sonòmetres entath monitoratge e eth contròl deth tapatge ambientau, especificaments dessenhada entath mesurament remot es decibèls (dbA) dera contaminacion acostica en carrèrs e airaus exteriors, atau coma en installacions Industriaus.
Smarty Air. Estacion de sensors entath contròl dera qualitat der aire, permet enregistrar, visualizar, gerir alarmes e compartir donades sus er estat dera qualitat der aire e es nivèus de contaminacion atmosferica.
Arantec Enginnering desvolòpe es sòns projèctes en Espanha, Euròpa e Sud-america, ath delà d’implementar es solucions Smarty Planet en collaboracion damb diuèrsi Partners en Portugal, Andòrra, Estònia, França, Malta, Mexic, Còsta Rica, Panamà, Veneçuèla, Colómbia, Equador, Bolívia, Chile, Argentina e Brasil.
